Buruketak
BURUKETAK
Auzoko dendetan lagundu ahal izateko, ezinbestekoa da ondorengo buruketak ebazten jakitea. Animatu zaitez dendei loturiko buruketak ebaztera!
Buruketak ebazteko argibideak
- Lehenengo, enunziatua ongi ULERTU behar duzu, horretarako buruketa hainbat aldiz irakurri, DATUAK AZPIMARRATU eta GALDERA INGURATU behar duzu. Zure buruari birkontatu. Agian lagungarria izanen zaizu ere marrazkitxo bat egitea.
- Buruketa EBAZTEKO PLANA PENTSATU behar duzu. Horretarako, zure buruari esan:
- Lehenbizi, hauxe kalkulatuko dut……
- Gero, hauxe kalkulatuko dut ……..
- Pentsatutako PLANA BURUTZEA: eragiketak ordenean egingo dituzu eta azpian EBAZPENA idatziko duzu.
- Bukatzeko, EMAITZA EGIAZTATUKO DUZU: Horretarako, erantzuna buruketan txertatuko duzu eta logikoa den ala ez ikusiko duzu.
2 ZIKLOA
Amaiaren ile-apaindegian 12 gizon, 25 emakume eta 4 haur izan dira gaur. Zenbat lagun izan dira guztira Amaiaren ile-apaindegian?
Supermerkatu batean, ur-botilez betetako 30 kutxa jaso dituzte. Kutxa bakoitzean 6 botila baldin badaude, zenbat botila jaso dituzte guztira?
Monikak CDen 7 pakete erosi ditu. Pakete bakoitzak 21 € balio du. Zenbat diru gastatu du?
Anek 35 €-ko jertse bat, 40 €-ko galtza batzuk eta 32 €-ko gona bat erosi, eta 120 € eman ditu ordaintzeko. Zenbat diru hartuko du bueltan?
Biltegi batean 18 kutxa madari daude. Kutxa bakoitzak 9 kg madari ditu. Horrez gain, beste 20 kg madari ere badaude biltegian, poltsatan. Zenbat kilo madari daude guztira?
2 poltsa musuzapi erosi ditut. Poltsa bakoitzean 12 pakete datoz, eta pakete bakoitzak 8 musuzapi ditu. Zenbat musuzapi erosi ditut guztira?
Kamioi batek 12.000 kilo eraman ditzake gehienez. Eraman al ditzake sagarrez betetako 58na kiloko 230 kutxa? Zergatik?
Zeramika-denda batean, 10 kutxa pitxer jaso dituzte. Kutxa bakoitzean 6 pitxerreko 8 sorta daude. Zenbat pitxer jaso dituzte guztira dendan?
Lagun batzuek 6 bizikleta erosi dituzte. 375 € balio du bizikleta bakoitzak. Zenbat ordaindu dute guztira?
Endikak zenbait DVD erosi ditu. DVDek 72 € balio dute guztira. Saltzaileak 28 € eman badizkio bueltan Endikari, zenbat diru eman dio Endikak saltzaileari?
Mariak auto bat erosi du eta 180 €-ko 114 kuota ordaindu behar ditu. Zenbat ordainduko du guztira Mariak?
Lantegi batean 125 galtza josten dituzte egunean. Zenbat galtza josiko dituzte urtebetean?
Diegok beroki bat erosi zuen. 50 €-ko 4 billete eman zituen ordaintzeko, eta 27 € jaso zituen bueltan. Zenbat balio zuen berokiak?
Hipermerkatu batean, 746 €-ko telebista batzuei 29 €-ko beherapena egin diete. Halako 125 telebista saldu dituzte gaur. Zenbat diru bildu dute guztira telebista horiek salduta?