Oraingoan fabriketan nola lan egiten den ikusiko dugu. Katean lan egiten duten industrietan murgilduko gara eta objektu ezberdinak nola sortzen diren ikusiko dugu.

Hasteko, ondorengo bideoak ikusi eta ongi fijatu prozesuetan.

Bideoak ikusi ondoren, gehien gustatu zaizun bideoa aukeratu.

Aurretik objektu edo material hori horrela egiten zela uste al zenuen? zein da prozesuaz harrigarriena iruditu zaizuna?

Apuntatu paper batean bideoa berriro ikusiz material edo objektu hori egiteko pauso nagusiak.

Altzako industria horrela imaginatzen al duzu? nolakoak ziren hemengo lantegiak?

Zeintzuk dira industria eta fabriken abantailak? eta desabantailak?

Orain zure txanda da. Fabriken eta industrien inguruko ikerketa txikia gauzatzeko bi aukera izango dituzu.

1. Auzoko eta inguruko industria bat aukeratu eta bertan lan egitea nolakoa zen edo zer sotzen zen bertan ikertu eta aurkeztea. Horretarako auzoko biztanleekin hitz egin dezakezu edo interneten informazioa bilatu.
2. Objektu edo material bat aukeratzea eta hori nola egiten den ikertu eta deskribatzea.

Lortutako informazioarekin ekoizpen bat egingo duzu.

Ekoizpena nahiago duzun formatuan egin eta aurkeztu dezakezu. Hemen hainbat adibide:

• Infografia bat
• Gaiaren inguruko bideo
• Komiki bat
• Aurkezpen bat
• Abesti bat
• ...

Zeuk erabaki! Nola partekatu nahiko zenuke ikasi duzuna eta gehien interesatu zaizuna?